Proiektuaren azalpena:  

– JAUZIA –

80-90. hamarkadetan, Euskal Herriko gatazkaren baitan, frantses nazionalitatea zuten ibilbide arrunteko pertsona batzuek, sinesgaitzak ziren eta diren gertakari batzuk protagonizatu zituzten. Nor ote dira pertsona horiek? Zer egin ote zuten? Zerk eragin ote zuen aldaketa erraldoi hori? Nolaz egin zuten jauzia?

Ipar Euskal Herrian eta frantziar Estatuan, pertsona ugari dira, Euskal Herriko gatazkan aportazio bat egiteko asmoz, zirkunstantzia ezberdinengatik, beren etxea, familia, bizitza edota denbora eman izan dutenak. Pertsona horietarik asko militantziaren mundu zurrunetik heldu dira, esperientzia politiko minimo batean oinarrituz. Baina beste ugari, pertsona “arrunt” batzuk dira, politikatik edo gatazkatik kanpo hezi eta bizi izan diren pertsonak eta beren ibilbide pertsonaleko momentu batean kontzientzia hartu dutenak (edo ez), Euskal Herriko gatazka krudelean parte hartzeraino. Egunerokotasun arrunt baten ordez, engaiamenduak oinarritutako arriskuz beteriko bizimodu bat hautatu zuten, sinesgaitzak ziren eta diren gertakariak bizitzeraino edo protagonizatzeraino.

Erreportajea, beraz, pertsonaia horiei buruz, egin zuten isilpeko lanari buruz eta egindako lanaren zergatiari buruzkoa izango da.

EGITASMOA: 

Hautatutako gaia islatuarazi nahian, 6 ibilbide edo istorio ezberdin aukeratuko ditugu. Erran nahi baitu, ixilpeko lanari zuzenean loturiko 6 istorio izanen ditugula esku artean.

6 istorio horiek, ezaugarri ezberdinen arabera hautatuko ditugu : istoria bera, pertsonaien generoa, bizi-lekua, lanbidea, egoera soziala, hizkuntza, gertakaria edo ixilpeko lana eta ibilbide soziala (sozializazioa). Istorio edo ibilbide bakoitzarentzat elkarrizketa bat burutuko da, istorioari dagozkion pertsona kopuruarekin : kasu gehienetan elkarrizketatu bakarra izango da baina beste batzuetan pertsonaia gehiago izan daitezke, familia oso bat adibidez.

Elkarrizketa sakonak burutuko genituzke, hiru informazio mota helburu izanki : batetik beraien ibilbide pertsonala, soziala (haurtzaroa, ikasketak, familia, lana, etxea…), bestetik buruturiko ixilpeko lana (ilegalitatea, egindakoa praktikoki, arriskua, lan zama…) eta azkenik, zergatik egin zuten aldaketa edo pausu hori, “Jauzia” (elementu transzendentalak, herria, elkartasuna, hizkuntza…).

Elkarrizketa horien bitartez eraikiko ginuke erreportai guztia, horrexegatik elkarrizketak kalitatezkoak eta mamitsuak izan behar dute. Kalkulatzen dugu gutti gora behera, istorio edo ibilbide bakoitzari loturiko elkarrizketa bakoitzak minimoki ordu bat iraungo duela edo iraun behar lukeela. Erran gabe doa, elkarrizketaz gain, pertsonaiak ezaugarritzen dituzten hainbat elementu grabatu edota argazkiz hartuko ditugula ere (etxea, lan lekua, familia, herria, paisaiak…).

Aurreikuspen bat, lehen hiru elkarrizketatuak:

• Philippe Lassalle eta Beñat Saint Sébastien, “La Santé” deitzen den Pariseko kartzelan ezagutu ziren 65 urteko bi gizon dira. Lehena Parisetik heldu da, familia frantses militar eta burges batetik, bigarrena berriz, Ziburuko arrantzale familia xume batetik heldu zaigu. Biek, modu ezberdinean, laguntza eskeini zieten ETA-ri.

• Dominika Mendiboure, ibilbide arrunteko Kanboko baserri bateko alaba. Pixkanaka Euskal munduaz hurbildu da bere kabuz eta hegoaldetik etortzen ziren errefuxiatuei laguntza ematea erabaki zuen.

BLOGA

Facebook

Twitter

Proiektua diruz lagundu nahi izanez gero, Crowdfunding-az gain, kontu korrontera dirua transferitu dezakezue ere (eskerrak aitzinetik!) :

IBAI AGUIRREBARRENA MENDIBOURE

Kutxabank Bilbo, 2095-0360-10-9114954858

IBAN : ES04 2095 0360 1091 1495 4858

BIC : BASKES2BXXX

Finantzaketa: (ZuZeuko erredakzioarekin gainbegiratu eta onartua)

GUZTIRA: 4.800 €

– Pertsona gastuak: 1.300 €

Pertsonak, bidaiak eta gastuak

– Produkzioa: 3.500 €

Filmaketa, materiala, muntaketa, diseinu lanak, itzulpenak, hedapena, etab.